 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
сярпу давяралі жніво
яго шанавала жняя
а цяпер ён у паветцы
сярод заіржавелага жалязьзя
пра яго ўсе забыліся
і толькі малыя ўнукі гаспадара
ня ведаючы што такое серп
час ад часу бяруць яго
але пачуўшы дзедаў голас
пакладзіце серп на мейсца
кідаюць серп у жалязьзё
і ўцякаюць як ад зьмяі
і ляжыць серп у паветцы
як непатрэбнае шчасьце
як успамін пра даўняе жніво
як наша самота
і ствараючы з павуты свой сьвет
цікавяцца сярпом павукі
бачачы ў ім маладзік
які мог бы асьвяціць іх неба
8.II.1995.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
